Despois de 11 anos no Mártín Códax e 25 anos fora del os da Promo do 88 consiguen reunir a profes e alumnos nunha gran festa ...
En maio preguntabamonos e agora qué! pois paseniñamente fomos colgando na web algunhas das nosas vellas fotos e hoxe comezamos a colgar neste mesmo enderezo as fotos da festa para que poidades gozar delas.
Foto propiedade de Jesús de Arcos
Anuncia que o 17 de Maio por volta das 19 horas iniciarase a festa en honor a Tatá e aos nosos antigos profesores.
A escola leva máis de 30 anos intentando desenvolver as nosas habilidades artísticas e aínda non temos nengunha actuación. ¿A que esperades? ¿Temos que pluriemplear, unha vez máis, a Fernando e a Teté? Xa sabedes o que tedes que facer se queredes cantar, bailar, falar ou actuar. Avisade en info@martincodax.com explicando máis ou menos o que queredes facer e xa está.
Benvidos todos e todas!
Hai unha morea de anos, ao amparo da Lei Xeral de Educación de 1970, un grupo de profesores da Academia de Estudios CEIBE (Ana María, Chano, Felix, Mariló, Marita, Paloma, Pazos, Rosa Espino e Tatá) decidiron fundar unha escola distinta na que o neno deixase de ser un espectador no proceso de aprendizaxe e se convertise no centro deste proceso.
Eles soñaron cunha escola crítica, laica e libre nun tempo onde o criticismo, a laicidade e a liberdade eran cuestións de orde pública. Mais, para este proxecto precisaban doutras mans; algunhas delas de aínda estudantes de maxisterio como Fernando, Margara, Margarita Barrientos, Trino e Ydalinda; e outras mestres experimentados como Clara, Gisela, Isa, Isabel Pérez, Matas ou Teté.
Así, no curso 71/72 comezaba a andaina desta nosa escola nun pequeno chalet ao pé do aeroporto e con Tatá como directora.
Porén, a súa crenza nunha educación diferente levounos a contratar mestres como Don Gonzalo coas súas matemáticas de bloques lóxicos e regletas, a Manolo coas súas películas da toupiña e Chaplin, a Juan e a María José cos seus collages e debuxos ou a Bárbara, nun intento de que aprendesemos inglés desde pequenos.
Pasaron os cursos e o aumento do número de alumnos levaron a incorporarse ao colexio a Alberto Avendaño, a Alice, a Calo, a Carmela, primeiro como secretaria e despois como profesora de música, a César, a Eladio, a Elisa, a Ernesto, a Francis, a José Antonio, a Gegé, a Herminia, a Isabel Estévez, a Maite, a Manuel, a Marion, a Marisa, a Mª Eugenia, a Miss Rose, a Natacha, a Olga, a Patri Música, a Pepa, coñecida por moitos de nós co nome de Josefa, a Pili, a Rafa, a Susi, a Taboada, a Tota e a Xaime Estévez. Sen esquecer tampouco os condutores, as coidadoras do autobús, as cociñeiras e as señoras da limpeza, a Eulogio e Pepe e Juan, e por suposto, o máis importante, porque no só de sapiencia vive o home…Pili Bocatas, Marisol e Sinda.
En definitiva, está foi e é a nosa escola. A escola que temos na nosa memoria, na que aprendemos a ler e escribir, na que aprendemos a ser libres e tolerantes, na que pasamos bos e malos momentos e á que queremos rendir homenaxe na figura da súa directora, Tatá, o día 17 de maio.
Iso si, sen esquecer que hoxendía o Martín Codax o forman: Alba (ex–alumna), Alicia, Ana Presa, Bárbara, Bego Matas (ex–alumna), Belén Apoio, Belen Cabaleiro (ex–alumna), Conchi, Coqui, Charli (ex–alumno), Elisa, Eloy, Fernando, Fran, Francis, Gegé, Herminia 2, Isa, Isabel Estévez, Isabel Pérez, Jaime, Jorge Pazos (ex–alumno), Jorge Teacher, José María, Juan Campos, Juan Plástica, Julie (ex–alumna), Lourdes, Luz, Margarita, Maiche (ex–alumna), Manolo, Mar (ex–alumna), Mari Paz, María Barbosa, María, Marisa, Montse (ex–alumna), Nico (ex–alumno), Noemí, Nuria (ex–alumna), Olalla (ex–alumna), Olga, Óscar, Patri Apoio, Patri Plástica, Pazos, Pepa, Pili, Rafa Crespo (ex–alumno), Roberto Pazos (ex–alumno), Rosa a nova Directora, Rosa Tecnoloxía, Ruth, Sandra, Susi, Tere, Teté, Trino, Xabier, Ydalinda e Xela (ex–alumna).